თუ თქვენც უმრავლესობის მსგავსად კბილების გახეხვისას არ იშურებთ კბილის პასტას და იმდენს იყენებთ, რამდენიც შეიძლება დაეტიოს კბილის ჯაგრისის ზედაპირზე, ნახევარზე მეტს უბრალოდ “წყალს ატანთ”, პირდაპირი და არაპირდაპირი გაგებით.
უფრო მეტი პასტის გამოყენება არანაირად არ გეხმარებათ უკეთესად გახეხვაში. ამ შემთხვევაში პრინციპულად მნიშვნელოვანია კბილების გახეხვის სწორი ტექნიკა და არა კბილის პასტის რაოდენობა. შესაბამისად, ნორმაზე მეტის გამოყენება უბრალოდ ფულის ფლანგვაა.
ახლა იმის შესახებ, თუ რამდენია ნორმა.
მიუხედავად იმისა, თუ როგორ გამოიყურება ჯაგრისზე მოთავსებული კბილის პასტის რაოდენობა სატელევიზიო რეკლამებში, რეალურად თავისი ფუნქციის შესასრულებლად საჭიროა მხოლოდ ბარდის მარცვლის ზომის რაოდენობა მოზრდილებისთვის. 2-წლამდე ასაკის პატარებისთვის კი ჯაგრისის ზედაპირზე პასტის თხელი ფენა სავსებით საკმარისია, ისე როგორც სურათზეა ნაჩვენები.
ყველაფერი სტომატოლოგიაზე 