ონავარი “სიბრძნის კბილი”: შევინარჩუნოთ თუ ამოვიღოთ?

სიბრძნის კბილი რაღაცით”ბრმა ნაწლავს” ანუ აპენდიქსს წააგავს — ორივე მათგანს დაკარგული აქვს თავისი როლი  და ორივე მათგანი გვიქმნის პრობლემებს. პროგნოზის გაკეთება შეუძლებელია: სიბრძნის კბილი შეიძლება ამოიჭრას უმტკივნეულოდ ან მისი ამოჭრის პროცესი სერიოზული გართულების მიზეზი გახდეს. შეიძლება ამოიჭრას დროულად, ან პირის ღრუს განვითარების დასრულებიდან კარგა ხნის შემდეგ, ან შეიძლება სულაც არ ამოიჭრას და დარჩეს ძვალში (ასეთი “მიძინებული” სიბრძნის კბილი აწვება და აზიანებს მის წინ მდგომ კბილს. დროთა განმავლობაში მის ირგვლივ ხშირად ვითარდება კისტა). და ყველაფერ ამასთან ერთად ისინი ფაქტობრივად არც კი გვჭირდება

რადგანაც სიბრძნის კბილების თავნებობას საზღვარი არ აქვს, სწორედ ამიტომ ხშირად ურჩევენ სტომატოლოგები მათ ამოღებას მანამ, სანამ პრობლემებს გამოიწვევდნენ. დღეს ძალიან იშვიათია, როდესაც სიბრძნის კბილი სრულფასოვნად იჭრება სხვა კბილების მსგავსად. თუმცა ასეთი შემთხვევები მაინც არსებობს. სამაგიეროდ თაობიდან თაობაში სულ უფრო მატულობს შემთხვევები, როცა სიბრძნის კბილები საერთოდ არ ვითარდება. ამჟამინდელი მონაცემებით ადამიანების დაახლოებით 35% არასოდეს ჰქონია ისინი.

სიბრძნის კბილები ერთადერთია, რომელთა ჩანასახი ადამიანის დაბადების შემდეგ ჩნდება ორგანიზმში. არსებობს სხვადასხვა თეორია, თუ როგორ შეიძლება საერთოდ თავიდან ავიცილოთ მათი განვითარება და შესაბამისად მოსალოდნელი პრობლემებიც.  ტაფტის სტომატოლოგიური სკოლის მკვლევარებმა შენიშნეს კორელაცია 2-დან 6 წლამდე ასაკის ბავშვებში ადგილობრივი ანესთეზიის ჩატარების სიხშირესა და სიბრძნის კბილების განუვითარებლობას შორის და გამოთქვეს ვარაუდი, რომ ინექცია ამ ზონაში შესაძლოა აზიანებდეს ჩანასახს და ხელს უშლიდეს სიბრძნის კბილის განვითარებას. თუმცა ჯერჯერობით ეს მხოლოდ მოსაზრებაა და კვლავ გრძელდება კამათი იმაზე ამოვიღოთ თუ შევინარჩუნოთ სიბრძნის კბილი.

პირადად ჩემი აზრით, თუნდაც სწორად ამოიჭრას, სიბძნის კბილის გაწმენდა ყოველთვის პრობლემატურია. ნადების სრულფასოვანი მოშორების გაძნელება იწვევს არასასიამოვნო სუნს, ინფექციას, ტკივილს. ეს კი საკმარისი მიზეზია თნდაცსაღი და სწორად ამოჭრილი სიბრძნის კბილის “გასაწირად”. აღარაფერს ვამბობ მტკივნეულ და გართულებულ ამოჭრაზე.

Advertisements

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s