ვინც ბრეკეტებს ატარებს, ბევრმა არ იცი როგორც უნდა გამოიყენოს ფლოსი. ზოგი კი ფიქრობს, რომ ბრეკეტებთან ერთად ფლოსის გამოყენება საერთოდ შეუძლებელია. სინამდვილეში კი ფლოსით ყოველდღიური გაწმენდა კრიტიკულად მნიშვნელოვანია ორთოდოტიული მკურნალობის პერიოდში, რადგან საკვების ნარჩენების შეყოვნება და ნადების დაგროვება გაცილებით ინტენსიურია ბრეკეტის კონპონენტებზე და შესაბამისად კბილის ზედაპირზეც. Continue reading “ბრეკეტები და ფლოსი”
პრაქტიკულად, ნებისმიერი კბილის ამოჭრის პროცესი შეიძლება დაირღვეს სხვადასხვა გარემოებების გამო და ამოჭრის ნაცვლად ჩანასახი ძვალში შეყოვნდეს. ასეთი რეტენირებული ანუ შეყოვნებული კბილები ყველაზე ხშირად მერვეები ანუ სიბრძნის კბილებია. მათ ჩვეულებრივ ქირურგიული გზით იღებენ. მაგრამ უფრო რთულადაა საქმე შეყოვნებული ეშვების ან ფრონტალური ზონის ნებისმიერი სხვა კბილის შემთხვევაში, რადგან ეს მდგომარეობა ესთეტიკურ პრობლემებს იწვევს. ამოღების შემთხვევაში საჭიროა კბილის აღდგენა, რაც ესთეტიკურ ზონაში განსაკუთრებულ პროფესიონალიზმს, დროს და თანხებს ითხოვს. Continue reading “შეყოვნებული კბილი: ამოვიღოთ თუ “ამოვქაჩოთ”?”
კბილების გასწორება მოზრდილ ასაკში ბევრისთვის სასურველიცაა და ხელმისაწვდომიც, თუმცა ხშირად თავს იკავებენ ვიზუალური ფაქტორის გამო. ის გარემოება, რომ კბილებზე დამაგრებული აპარატი საუბრისას, გაღიმებისას თვალში მოსახვედრია, ბევრისთვის პრობლემატურია. Continue reading “ინვიზალაინი — უხილავი ბრეკეტები”
ყველამ კარგად ვიცით რამდენად აუცილებელია დღეში 2-ჯერ კბილების გახეხვა ჯანმრთელი კბილებისა და ღრძილების შესანარჩუნებლად. მაგრამ ძალიან ცოტა თუ იყენებს ფლოსს ანუ კბილის ძაფს გახეხვის შემდეგ. არადა ამის გარეშე კბილების საერთო ზედაპირის მხოლოდ 60% იწმინდება და ნადების მნიშვნელოვანი ნაწილი ისევ პირის ღრუში რჩება. ფლოსი აღწევს და წმენდს იმ ადგილებს, რასაც ჯაგრისი ვერ წვდება.
ყველას გაგვისინჯავს საღეჭი რეზინი, რომელსაც მოიხსენიებენ როგორც უშაქროს, მაგრამ რეალურად ტკბილი გემო აქვს. ასეთი საღეჭი რეზინი სხვებისგან იმით განსხვავდება, რომ შაქრის ნაცვლად მის შემცვლელს შეიცავს, ყველაზე ხშირად ქსილიტოლს, მაგრამ ამაზე ცოტა მოგვიანებით ვისაუბრებთ.
საღეჭი რეზინის გამოყენების ასეთი აქტიური პროპაგანდა არამხოლოდ Continue reading “რატომ და როგორ გამოვიყენოთ უშაქრო საღეჭი რეზინი”
ავტორი: თეა ნაცვლიშვილი — ექიმი-პაროდონტოლოგი, კლინიკა “ზიბექსი”.
შეიძლება ეს სტატია წაიკითხოს, როგორც პაციენტმა, ასევე სტომატოლოგმა. მინდა ყველა იმ ადამიანის ყურადღება მივიპყრო ვინც დარწმუნებულია, რომ არსებობს დაავადება სახელად “პაროდონტოზი” ან თავადაა ავად (რადგან ასე უთხრა ექიმმა-სტომატოლოგმა!).
თავიდანვე უნდა აღსნიშნო, რომ ამ დაავადების დიაგნოსტირება და მკურნალობა ხდება მხოლოდ პოსტსაბჭოურ ქვეყნებში, რადგან რუსეთის პაროდონტოლოგთა ასოციაციამ 2001 წელს (პაროდონტის დაავადებების კლასიფიკაციის ბოლო გადახედვისას) ისევ შეინარჩუნა ეს ტერმინი და იქედან გამომდინარე, რომ საქართველოში სტომატოლოგთა უმეტესობა ხელმძღვანელობს რუსული ლიტერატურით, პაროდონტოზის არსებობა ისევ აქტუალური რჩება.
ამ დაავადებას ასე განმარტავენ: პაროდონტოზი არის პაროდონტის ქსოვილების არაანთებადი დაავადება, რის შედეგადაც ხდება ყბის ძვლებისა Continue reading ““პაროდონტოზი”: რეალობა თუ მითი?”
ჩვენი გამოკითხვის შედეგები:
რამდენ ხანში ერთხელ ცვლით კბილის ჯაგრისს?
1. ყოველთვე — 14,74%
2. 3-4 თვეში ერთხელ — 48,61%
3. 6 თვეში ერთხელ — 14,34%
4. წელიწადში ერთხელ — 8,37%
5. როცა დაზიანდება — 11,35%
6. სხვა — 1,99%(გამოკითხვაში მონაწილეობა მიიღო 251 მომხმარებელმა)
მოზრდილებმა, ისევე როგორც ბავშვებმა, ჯაგრისი უნდა შეცვალონ საშუალოდ 3 თვეში ერთხელ. გამოკვლევებმა აჩვენა, რომ ეს სწორედ ის პერიოდია, რის შემდეგაც ჯაგრისის ცვდება, ბლაგვდება და ამის გამო მისი წმენდითი ეფექტურობა მცირდება. გარდა ამისა დეფორმირებულმა ღერებმა შეიძლება დააზიანონ ღრძილის ლორწოვანი გარსი. გამონაკლისს წარმოდგენს ელექტროჯაგრისები, რომელთა თავები ხშირად 6 თვის განმავლობაში არ საჭიროებს გამოცვლას (მწარმოებელი ყოველთვის თან ურთავს პროდუქტს ამგვარ ინფორმაციას).
ღრძილების დაავადების შემთხვევაში რეკომენდებულია ჯაგრისის შეცვლა 4-6 კვირაში ერთხელ, ვინაიდან პათოლოგიური მიკრობები, რომელიც ჭარბადაა ამ დროს პირის ღრუში, ადვილად მრავლდება ჯაგრისის ღერებზე.
ანალოგიური მიზეზის გამო რეკომენდებულია ჯაგრისის შეცვლა, თუკი
გადაიტანეთ სურდო, ანგინა, გრიპი ან სასუნთქი გზების რაიმე სახის ინფექცია.
თუ ბრეკეტს ატარებთ, თქვენი ჯაგრისი ასევე უფრო ადრე ექვემდებარება შეცვლას, რადგან მისი მეტალის ნაწილები ჯაგრისის ღერების სწრაფ დეფორმაციას იწვევს.
რჩევა მშობლებს: ხშირად დაათვალიერეთ თქვენი შვილის ჯაგრისი. იმის გამო რომ ბავშვები ძირითადად არასწორ მოძრაობებს აკეთებენ კბილების ხეხვის დროს, ასევე ხშირად ღეჭავენ და კბენენ ( 🙂 ) ჯაგრისს, ისინი სწრაფად დეფორმირდება. ასეთ შემთხვევაში აუცილებლად გამოუცვალეთ მათ ჯაგრისი.
ზოგიერთი მწარმოებელი, მაგალითად Oral-B, თავის ჯაგრისებს თან ურთავს ინდიკატორს. მათი ლურჯი ფერის ღერები ხმარებაში უფერულდება. როცა ღერის ნახევრი გაბაცდება, ჯაგრისის შეცვლის დროა. ჩემი აზრით, ეს ძალიან მოსახერხებელი “თვისებაა”, რადგან ბევრი ადამიანი 2 ჯერზე მეტად იხეხავს კბილებს დღის განმავლობაში და შესაბამისად მათი ჯაგრისის ეფექტურობა 3 თვეზე ადრე მცირდება. ამის კონტროლი ინდიკატორის საშუალებით ძალიან ადვილია.
გახსოვდეთ: ახალი ჯაგრისის წმენდითი ეფექტურობა 30%-ით უფრო მაღალია.
ყველაფერი სტომატოლოგიაზე 